ដួងចន្ទដួងចិត្ត

ដួងចន្ទដួងចិត្ត ១ ដួងចន្ទរៀងរះឱភាសស្រទន់                  រៀមបានគយគន់គាប់នឹងដួងចៃ  រាត្រីត្រជាក់បងទាញយកស្បៃ                   ក្របប្រាណស្រស់ស្រីដោយក្ដីស្នេហ៍ស្និទ្ធ។ ២ រស្មីដូងចន្ទចាំងជាប់ចុងស្មៅ                   ចាំងឆ្លុះភក្រ្តពៅរៀមនៅនែបនិត្យ ក្រសោបឱបថ្នមលួងលោមផ្ដេកផ្ដិត            ស្រស់ស្រីវរមិត្រក្រោមស្បៃរាត្រី។ ៣ ពពករសាត់ផាត់ដោយវាតា​​                     ក្រអូបក្លិនផ្កាដូចក្លិនថ្ពាល់ស្រី ជំនោរបក់បោកខោកដងព្រឹក្សព្រៃ                ហាក់ជួយប្រាប់ស្រីថាបងស្ម័គ្រស្មោះ។ និពន្ធដោយ៖ ណូត ខេមរិន្ទ